半價優惠自助晚餐

今年皇家太平洋酒店柏景餐廳半價優惠又重臨，

 只要提前最少兩日網上預訂，

自助午餐或晚餐並繳付全數，

 即可享高達半價優惠，6月24晚我和10位朋友、

1位1歲小朋友享用半價優惠自助晚餐，

相信半價優惠的吸引力可不少，

餐廳座無虛席，而且小朋友特別多，

氣氛自然更熱鬧起來。

雖然自助餐食物來來去去都差不多，

但柏景餐廳的飲品選擇特別多，我試過紅菜頭加梨汁，

味道不錯有紅菜頭的氣味和梨汁的甜，我更喜歡鮮菠蘿汁，

之後更嘗試桂圓羅漢果，都很滿意添！

今晚食物方面我最為喜歡整條的清蒸比目魚，和凍開邊龍蝦，

迷你窩夫很香脆，名牌檸檬雪葩甜甜酸酸又有清新感受，

進餐中，侍應推出30多款藥材老火湯，不過排隊人龍很長，

我身體好唔使補，都無意加入人龍中等待。

由於我們大大小小12人共有3位六月壽星，

餐廳特別分別為我們用朱古力醬，

在碟上寫上名字和生日快樂字句，在碟上留番空間，

讓壽星們自己DIY堆砌蛋糕和甜品，並送上小洋燭。

自助餐食物照片全部欠奉，原因當晚手機壞了！

現在分享的照片都是朋友拍攝！

半價優惠自助晚餐人均消費是$401，不錯了！

生日禮物

生日前夕手機無聲無息地榮休了，

慶生遊畢到觀塘APM商場買手機，

睇啱呢部價錢適中的 SONY 手機，

亞仔話送畀我，剛壞掉的LG手機，

都係亞仔送畀我，真係多謝哂囉！

 

今年亞女送給我的母親節和生日禮物，

真係令我有少少驚嚇，

一塊三千多元的絲巾和名牌銀包。

 

我從不崇尚名牌，一來買唔起，

二來都幾怕幾多名牌手袋，

佢個寶號印晒响度手袋、銀包度，

消費者化錢孭埋上身，真係咪攪！

 

我和亞女都有相同嗜好和性格，

愛旅遊和節儉，相信佢都明白，

知道我不會在衣飾方面大灑金錢，

所以籍節日為我添置較亮麗的裝置，

收到禮物，有一刻凳佢肉赤使咁多錢，

但下一刻就很感動，

因為關懷有時候都會同金錢掛鈎，

我會珍惜和享受呢份心意，真係多謝哂！

 

 

好友Joanny旅遊回來

 也為我送上生日小心意，

真係多謝哂！

 

 

慶生晚飯打邊爐

慶生日遊畢後寶蓮禪寺和天壇大佛，

相約家人一齊去任食火鍋真係爽，

唔使諗食乜，清清地拾吓拾吓最啱我，

家人揾到呢間宴薈海鮮酒家

任食火鍋每位$148全包，

另加一小費，

148+15=$163都很抵食，

但係好唔好食，咁就食過先知啦！

任取免費醬料，我喜歡食物原味。

罐裝飲品我楝咗呢三款，啱飲，ok呀！

豆腐津白湯鍋真係夠哂清淡，

不過，拾拾吓食物味道出哂黎，

就好好味道！

第一轉，枱上美食令視覺很豐富，

視覺訊息傳到腦部，腦部感覺到食物豐富，

即時心靈也富足，只等待湯水煑滾，

大家就衝刺....

酥炸魚皮香脆冇乜油膩，

腐竹有豆香，海蝦夠鮮，

黑豚肉爽且有肉鮮味道，

象拔蚌則非常爽滑美味，

豚肉和象拔蚌已經超値，

所以總結是好食和抵食，

就咁樣過了快樂的生日。

 

 

回到家中亞女為我凖備好壽桃大蛋糕。

乜佢哋都黎埋？？？！！！

慶生遊（三）

我已到過天壇大佛和寶蓮禪寺一遊，

吃過素午餐便拆返昂平市集，

直往纜車站乘纜車回程，沒有下雨，

天色雖不美，幸好不太炎熱， 

纜車的玻璃窗也回復清晰，太好了！

 甫入車廂，纜車職員立即為我拍照片，

到達東涌又有職員迎接，

給我看看已經安裝好相框的照片，

價錢$198，雖然是挺貴，

但沒有給我拍醜了，我也不吝嗇！

  

職員還給我一張有二維碼的卡片，
我可以在兩星期內提取底片，這是底片。

 

  

清晰的碧海、山巒、綠樹林蔭，
開始在我腳底下出現。

  

在彌勒山轉向站，看見大嶼山牛牛啦......

3號纜塔

一個個的淺藍色圓桶是飛機儲油庫。

完成慶生之旅，我要回到觀塘與家人吃晚飯，
今次沒有到 心經簡林拍攝，

有興趣可分享我四年前的網誌。

https://stellaluk.blogspot.com/2014/12/blog-post_28.html#gpluscomments