母親節飲午茶

與家人在母親節聚餐，
選擇在尖沙咀天文臺道景逸軒飲午茶。
各人各自點選幾款心儀點心，更勝吃自助餐，
因為不用「騰來騰去、騰出騰入」攞食物，
斟茶遞水也有侍應服務週到。

先來很爽脆的舟山晶蜇頭醒醒胃口。



九江陳醋雲耳，勁酸，唔開胃都幾難！

咖喱香芋盒，香、鬆化，小巧又討人喜愛。

黑椒煙肉酥，酥皮好吃，

煙肉和叉燒感覺分別不大！

琥珀杏香鳳尾蝦，杏香蝦爽，最啱我喇！

鮮蝦腐皮卷，香脆不算油膩。

燒鵝例牌，剛上枱的燒鵝皮脆，

餘下一半燒鵝再遲吃，皮靭了！

午市龍蝦孖寶之灼菜，色澤青綠，爽口新鮮。 

午市龍蝦孖寶之上湯龍蝦伊麵，

湯底味道適中，

可惜龍蝦肉煑得過了火，

肉質變得粗糙。

肉絲煎脆麵，脆麵的確很脆，

有點像吃零食，還是別淘氣，加埋獻汁伴吃。

蟹肉露筍鳳眼餃，不像鳳眼，像大眼，
且蟹肉露筍質感皆腍，
外形和咀嚼感都很遜色。

古法原籠馬孻糕，熱辣辣特別好吃。

水晶蝦餃皇，

啖啖爽口蝦肉吃得爽，餃皮略嫌厚身。

蟹肉小籠包，感覺不到蟹肉的鮮，

卻吃到一大口的豬肉饀，無乜肉汁，

雖然廚師有計，在小籠包下放上薄胡蘿蔔片，

防止小籠包黏著竹籠，但點心有改善空間。

流金歲月，我很喜歡這個稱謂，

其實都流心包，但包裝和名稱上有少少驚喜。

呂宋香芒凍布甸，花奶另上，
可按個人喜好加添份量。

$28椰皇燉鮮奶都不算貴，
熱騰騰原盅上枱，滋味十足。 

五位點菜總數$905

另加12%服務費$108

 

共承惠$1014慶祝母親節不用大魚大肉，
一家人飲茶還輕鬆自如得多！