我家有位周慧敏粉絲分享到一個訊息給我。
既然咁抵食，就試試吧！
我仲記得今年一月周慧敏開演唱會，
網上購到門票都在指定時間到此領取，
皆因為我代領取演唱會門票。
MATCH有提供午餐、下午茶及晚餐，
周六的中午我們選擇午餐，但竟然大頭蝦，沒有預約！
幸好都安排到座位，不致撞壁而回。
餐廳位置不算大，樓身不高， 有少許焗促感，
環境尚算雅緻， 還感受到淡淡的香薰幽香，
餐廳有戶外露天位置更可供客人用餐。
餐廳的戶外露天位置
今天餐牌顯示最相宜是$36一客的
菠菜、 車厘茄乾橄欖長通粉配蕃茄汁，
有餐湯和多士、餐茶，連加一小費都是$40！
今次冇試，揾日我自己都來試試先得。
反轉餐牌另一面，是價錢稍貴的西餐。
小食餐牌，我們揀酥炸魷魚鬚。
$48燒雞脾飯配豉油薑汁，燒雞脾肉質軟滑，不錯了！
$88脆炸鹹豬手配甜紫薯酸忌廉，
真係卜卜脆有鹹香，鹹豬手味道不會太鹹，
很喜愛甜紫薯夠香甜和脆口。
$95燒牛柳配薯蓉燒車厘茄牛仔汁，
不見血水的燒牛柳啱我們，牛柳可口是冇得輸！
$68酥炸魷魚鬚，魷魚鬚是無問題，
是脆漿太油膩，幸好份量不多！
凍餐飲要加$3，與茶記相同。
不過食物不錯，相對是平衡的！
沒有留言:
張貼留言